بشارك اللي بتعلمه سواء من خبرتي الشخصية أو العملية أو كتب، وأربطه بمجالات مختلفة في الحياة زي الشغل أو التعامل مع الأخرين عامة
اتعلمت إن فيه ٧ خطوات لازم يتعملوا عشان تنجح مع الفريق اللي أنت جزء منه على المدى البعيد؛ الخطوات دي تقريباً هي هي اللي شوفتها في خلال ١٥ سنة شغل مع مختلف الفرق، وبرضه نفس الخطوات اللي قريت عنها في كذا كتاب… الخطوات دي هي اللي بتحقق نجاح مستدام، مش مجرد مكسب وقتي لحل مشكلة …
أكتر من ١٠٠ مليون لاجئ على مستوى العالم تم إجبارهم على ترك بيوتهم وبلادهم عشان يفضلوا على قيد الحياة، هنتكلم على ٣ نقط عن ازاي نقدر نتعامل مع اللاجئين اللي موجودين حوالينا عشان دمجهم في المجتمع والاستفادة منهم وتقديم الدعم النفسي المطلوب. هنتعلم من قصة الدكتور عصام داوود مع الطفل عمر وإزاي كان قادر ينقذه من صدمة كانت هتأثر عليه بقية حياته.
الحفاظ على الصحة العقلية مهم جداً في وسط عالم مليان بأزمات ومشاكل مستمرة في كل حته. هنحاول نجاوب على سؤال: المفروض إني أتابع اللي بيحصل ولا المفروض أعزل نفسي عن الأخبار. وهنتكلم برضه على ٦ خطوات ممكن تعملها في مختلف الأزمات والمواقف الإنسانية عشان يبقى ليك دور فعال.
في المقالة دي بعبر عن أحد قناعاتي الشخصية بإننا: بنعيش مع بعض كبشر من خلال اختلافتنا… ده جوهر حقوق الإنسان, فإذا أنت قبلت قتل أي إنسان مدني عشان مختلف عنك, ساعتها أنت مش بس ضد القانون الدولي لكن الأهم إنك بتخسر كمان إنسانيتك.
هنتكلم انهاردة عن التمييز في الشغل (مش التميز) وازاي ساعات بنتعامل مع الناس ونُحكم عليهم بشكل غلط بسبب أفكار حطيناها في دماغنا عن شكلهم أو لونهم أو جنسهم من غير حتى ما نتعامل معاهم. شوف الخمس غلطات اللي في المقالة عشان هتلاقي نفسك كمان غلطان ولازم تاخد بالك، تابع المقالة كمان عشان تعرف انت ايه اللي ليك أساساً عند زمايلك في الشغل وتحاسبهم عليه.
هنتكلم انهاردة عن ثقافة الاختلاف في الرأي بين الناس في الشغل، وازاي الاختلاف في وجهات النظر ده مفيد جداً للمكان اللي انت فيه، لو بس اتحل بطريقة معينة، هي طريقة واحدة ملهاش تاني عشان تكسب بيها دايماً. واوعى تفوتك قصة الفيل والرجالة السته، عشان دي لوحدها كفيلة تشقلبلك تفكيرك تماماً.
هنبدأ انهاردة سلسلة عن التواصل بين الناس في الشغل وأول حاجة هي الاحترام وأهميته وتأثيرة وخمس أخطاء لازم ناخد بالنا منها (كتير مننا بيعملها) عشان منفقدش قيمة الاحترام في المكان, سواء احنا في الشغل ولا برة.
في الجزء الثالث والأخير من سلسلة نصائح للحياة من كتاب وصايا هنتكلم على ٤ وصايا يخصوا كل واحد فينا، مهما كانت اهتماماتك: مساعدة الغي, عقلية النمو, التعامل مع المغرورين, وضع أهداف يومية.
النصائح اللي معانا انهاردة من كتاب وصايا مناسبة للجميع, ده حتى فيه نصيحة منهم قالها ستيفن كوفي في كتاب العادات السبع للأشخاص الأكثر فاعلية.وصايا انهاردة بتناقش مواضيع ممكن تطبق في الشغل أو في المدرسة أو في الجامعة أو طبعاً في حياتنا الشخصية.
كتاب وصايا للكاتب محمد الرطيان, من أفضل الكتب اللي قريتها في تقديم نصائح للحياة وتنمية وتطوير الذات. الكاتب بيقدم لأولاده وبناته مجموعة من النصائح وصلوا لعدد ٢٧٣ نصيحة، مش هنتكلم عليهم كلهم طبعاً، لكن هختارلكم من وجهة نظري أهمهم وندردش شوية على كل واحدة منهم.